Dibuho

Ipipinta kita sa aking isip.

Detalyado't masinsin.

Huwag lang mabura sa aking paningin ang iyong imahe.

Patuka sa madaling araw na byahe

Ilang kilometro na kaya ang nalakbay ng aking mga guni-guni?

Tila dekada na akong naliligaw sa kawalan.

Marami na din na kilala’t nakatagpo

            Mula sa aking sariling mundo.

Kathang isip lamang ba ang lahat ng ito?

O, sadyang hindi ka lang mawalay sa aking isipan?

Haaay. Gusto ko magtravel na hindi alam ang paruruonan, hanggang sa magtagpo muli ang ating landas. Gusto kitang makita.

Para sa isang makata't kwentista

Sana naalimpungatan lang ako sa aking pagkakaidlip.

Upang madaling malimot ang masayang panaginip na kasama ka.