kay Benedict*

Sa pinagtagpi-tagping dyaryo mo iginuhit

Ang libo-libung maralitang nawalan ng tirahan.

Buong sigla kang tumulong sa mga kaibigang

naghahanda sa preparasyong gaganapin bukas.

Iyong pinturahan ang malaking barkong

sasagasa sa inyong baryo at mga karatig-baryo.

At bukas ng tanghali,

Isang palabas na alay para sa iyong ka-pamilya,

kapit-bahay, ka-laro, kasama’t kaibigan

Kung ano ang lipunang ating ginagalawan.

*para sa isang kaibigan at biktima ng demolisyon sa Tondo

May pera sa gera, wala sa eskuwela

1 biLyong piso para sa all-out-war

2 taon upang sugpuin ang rebeldeng komunista

3 lider-estudyante ang dinukot sa bulacan na hindi pa rin nakikita

4 na taon pa ang paghihirap ng mga iskolar ng bayan sa rehimeng Arroyo

5 o marami pang kabataan ang puputok ang ulo o mababalian ng kamay dahil sa pag-gigiit ng karapatan sa Edukasyon

6, 

   7,

      8,

   9,

10…

o higit pa dahil padagdag ng padagdag ang bilang ng mga kaso sa pulitikal na pamamaslang

Unang inilathala

EARIST Technozette

(Official Student Publication of EARIST)

Tomo 27, Bilang 1

Hunyo-Hulyo 2006

Asan ka noong nakaraang pasko?

Naging abala ang marami

sa paggawa,

pagbebenta at pagbili

ng mga palamuti na isasabit sa

kani-kanilang bahay.

Habang ang pamilya ni Karen Empeño,

ay abala sa pagsabit ng “MISSING”

sa labas ng kanilang tirahan;

Hindi Krismas layts, kundi kandila

ang sinindihan ng kaanak ni Sherlyn Cadapan;

Sa hapag na may hamon at keso de bola,

plato ni Jonas Burgos ang walang laman.