Alam kong matagal na panahon
ang ginugol mo para makilala ako.
Hindi sumasapat sa iyo ang sulyapan ako.
Hindi na rin ako magtataka
kung koleksyon mo ang mga litrato ko
mula sa
Facebook.
Friendster.
Multiply.
Blogs.
Rally.
Forum.
At kung saan-saan.
Hanggat maaari
nakatali ako sa iyong paningin.
Daig mo pa nga ang diary
para itala ang aking araw-araw
sino ang mga kasama ko
kausap, kakilala, kinikilala.
Saan.
Oras.
Bakit.
Ikaw.
Oo, ikaw.
Ikaw ang aking
anino sa tanghaling-tapat
at bisita sa gabi.
Hanggang sa araw na iyong pinaka-hihintay
Hindi mo maririnig ang matamis kong “Oo”.
*Isang dalaw mo pa, hindi ako magdadalawang
isip na ipaaresto kita sa mamamayan at kanilang husgahan.
6 Hulyo 2010
0 mga pandadaot:
Post a Comment